၉၄ ရာခိုင်နှုန်းသော ပြည်သူများကို ငဲ့ညှာပါ

ဒီဈေးနှင့် ဘယ်လိုမှမဖြစ်နိုင်တဲ့။ ဥပဒေအရ ချုပ်ကိုင်စီမံထားသူတို့ဘက်ကလည်း ဥပဒေနှင့်ပဲ ကိုင်ပေါက်သူကပေါက်၊ ဆင်းမ်ကတ်ဆိုတာတော့ ပေါတာပေါ့ (ခုကျမှ)၊ အရေးကြီးတာက နက်ဝပ် . .. နက်ဝပ်တွေဆောက်ရတာလွယ် မှတ်လို့ဟု ငေါက်ငမ်းသူက ငေါက်ငမ်း . . . ဂြိုဟ်တုမရှိလို့ ဒီလိုဈေးကြီးနေရတာလို့ အကြောင်းပြသူကပြ … ငါတို့ နက်ဝပ်ကို မဖြတ်ဘဲ ဒင်းက ဘယ်ကဖြတ်မှာတဲ့လဲ … လုပ်ကြည့်စမ်းပါ ဟု မာန်သူကမာန် .. နည်းပညာကို လွှဲချသူကချ ..
သေချာတာကတော့ ဒီသတင်းအပေါ် အလွန်ပင်ဝမ်းသာလှိုက်လှဲစွာ ကြိုဆိုကြသော အများပြည်သူကြီးက တစ်ဖက် … အကျိုးစီးပွားတွေ၊ အခွင့်အာဏာတွေနှင့် လုပ်ပိုင်ခွင့်တွေ ကိုင်လှုပ်ခံရတော့မလို အလန့်တကြား ငြင်း ဆန်ကန့်ကွက်သံတွေ ထွက်လာတာတွေက တစ်ဖက်

Messenger News Journal

ယခု တိုင်အောင်ပင်လျှင် ဥပဒေအရ တို့ကလွဲရင်/တို့ခွင့်ပြုထားသူကလွဲရင် ဘယ်သူမှ လုပ်ခွင့်မပေး... ကြိုးဖုန်းများ အရစ်ကျစံနစ်နှင့် ရောင်းပေးမည်။ ဈေးနှုန်း ကတော့ ခြောက်သိန်းခွဲ (ဒေါ်လာရှစ်ရာခန့်) ဆိုတာမျိုး နှင့် အဘယ်ပြင်ပရင်းနှီးမြှုပ်နှံမှုမျိုးကို သူများနှင့်ယှဉ် ၍ ကြိုဆိုနိုင်ပါမည်နည်း... Messenger Journal Vol.2 No.38 Suppl...ement A ပါဆောင်းပါး ၉၄ ရာခိုင်နှုန်းကို စာနာပါ အဆိုးမြင်သူတစ်ယောက် မဟုတ်သည့်တိုင် ငါးထောင်ဖုန်းသတင်း စကြားလိုက်သည်နှင့် ဘယ်လိုတုန့်ပြန် သံတွေ ထွက်လာမလဲဆိုတာ မှန်းဆမိခဲ့ပါသည်။ အများပြည်သူတွေက ကြိုဆိုကြသည်။ ကမ္ဘာ့အမြင့်ဆုံး ဆင်းမ်ကတ်ပေါက်ဈေးနှင့် ၀ယ်သုံးခဲ့ရပြီး (အလွန် အတ္တကြီးသူတချို့ကလွဲလျှင်) ဖုန်းရှိနှင့်ပြီးသူတွေကလည်း မုဒိတာ ပွားကြသည်။ မယုံနိုင်ကြသော်လည်း အဲဒီအ တိုင်း ဖြစ်လာပါစေဟု ပြောကြဆိုကြသည်။ မဟာအခွင့်ထူး ရခဲ့ဖူးသူတို့ဘက်ကလည်း ချက်ချင်းအသံထွက်လာသည်။ ဒီဈေးနှင့် ဘယ်လိုမှမဖြစ်နိုင်တဲ့။ ဥပဒေအရ ချုပ်ကိုင်စီမံထားသူတို့ဘက်ကလည်း ဥပဒေနှင့်ပဲ ကိုင်ပေါက်သူက ပေါက်၊ ဆင်းမ်ကတ်ဆိုတာတော့ ပေါတာပေါ့ (ခုကျမှ)၊ အရေးကြီးတာက နက်ဝပ် . .. နက်ဝပ်တွေဆောက်ရတာလွယ် မှတ်လို့ဟု ငေါက်ငမ်းသူက ငေါက်ငမ်း . . . ဂြိုဟ်တုမရှိလို့ ဒီလိုဈေးကြီးနေရတာလို့ အကြောင်းပြသူကပြ … ငါတို့ နက်ဝပ်ကို မဖြတ်ဘဲ ဒင်းက ဘယ်ကဖြတ်မှာတဲ့လဲ … လုပ်ကြည့်စမ်းပါ ဟု မာန်သူကမာန် .. နည်းပညာကို လွှဲချသူကချ .. သေချာတာကတော့ ဒီသတင်းအပေါ် အလွန်ပင်ဝမ်းသာလှိုက်လှဲစွာ ကြိုဆိုကြသော အများပြည်သူကြီးက တစ်ဖက် … အကျိုးစီးပွားတွေ၊ အခွင့်အာဏာတွေနှင့် လုပ်ပိုင်ခွင့်တွေ ကိုင်လှုပ်ခံရတော့မလို အလန့်တကြား ငြင်း ဆန်ကန့်ကွက်သံတွေ ထွက်လာတာတွေက တစ်ဖက် … ကွဲပြားလှသော အသံတွေ ထွက်လာပါတော့သည်။ တစ်ချိန်က အခြေအနေတစ်ခုကြောင့် ဆယ်င့ါးသိန်းထိ တက်ယူခဲ့သော ဂျီဖုန်းများ အကြောင်းကြောင်း ကြောင့် ပျက်စီး/ပျောက်ဆုံး၍ လဲလှယ်လျင်ပင် လဲလှယ်ခ ကျပ်ငါးသောင်း (ယခင်က တစ်သိန်း)၊ နာမည်ပေါက် ချင် ကိုယ့်တာဝန်ကိုယ်ယူ၊ အာမခံလက်မှတ်ထိုး၊ မှတ်တမ်းမှာ နာမည်ပြောင်းရေးခက ကျပ်ငါးသောင်း၊ လိပ်စာ ပြောင်းချင် ကျပ်တစ်သောင်းဆိုပြီး (အခြားသောဌာနများနှင့် ခြားနားစွာ) အရာရာကို သောင်းချီ/သိန်းချီ သတ်မှတ် စီမံခွင့်ရနေသူများထံမှ ကျပ်ငါးထောင်တန် ဆင်းမ်ကတ်အတွက်တော့ မဖြစ်နိုင်သည့်အကြောင်းတွေသာ သိန်း သောင်းချီကြားရမည်ဟု မျှော်လင့်ပြီးသား ဖြစ်ပါသည်။. ဟုတ်ကဲ့ … မြန်မာပြည်ထက် ခေတ်အဆက်ဆက် အရာရာနိမ့်ပါးသည်ဟု သတ်မှတ်ခံခဲ့ရသော အိမ်နီး ချင်း ကုန်းတွင်းပိတ်လော နိုင်ငံငယ်လေးတွင်ကော ဂြိုဟ်တုကိုယ်ပိုင်ရှိပါသလား … သေချာတာကတော့ လွန် ခဲ့သည့် ငါးနှစ်လောက်ကပင် လောမှာ နံပါတ်သေဆင်းမ်ကတ်တစ်ကတ်လျှင် ဆယ်ဒေါ်လာ (ကျပ် ရှစ်ထောင် စွန်းစွန်း) နှင့် အလွယ်တကူ ၀ယ်သုံးနိုင်နေခဲ့ပြီ။ လူဦးရေခြောက်သန်းတွင် တစ်သန်းခွဲ ၂၅ ရာခိုင်နှုန်း ဖုန်းသုံးနိုင် နေခဲ့ပြီ။ ယခုလောက်ဆို လူဦးရေ ထက်ဝက်ထက်မနည်း သုံးနိုင်နေလောက်ပြီ။ ပြီးတော့ ဘင်္ဂလားဒေ့ရ်ှမှာကော အိန္ဒိယရဲ့ အမွဲတေဆုံးပြည်နယ်တွေမှာရော၊ တရုတ်ပြည်ရဲ့ အသွားအ လာ ခက်ခဲတဲ့ဒေသတွေမှာကော၊ အာဖရိကမှာကော ဘယ်မှာမှ မိုဘိုင်းနက်ဝပ်တွေ ဆောက်ရခက်လို့ တိုင်တွေ လိုက်စိုက်နေရလို့ဆိုတဲ့ အကြောင်းပြချက်နှင့် ဆင်းမ်ကတ်တစ်ကတ် ဒေါ်လာသုံးရာကျော် ပေးရတာမျိုး မကြားဖူးခဲ့၊ ထိုနိုင်ငံတွေမှာ တစ်နေ့ဝင်ငွေ တစ်ဒေါ်လာပင်မပြည့်သည့် ထင်းခြောက်လိုက် ကောက်သူပင် မိုဘိုင်းဖုန်းသုံးစွဲ နိုင်ကြသည်မှာ အိပ်မက်မဟုတ်ပါ။. ကမ္ဘာပေါ်တွင် တံခါးပိတ်ဝါဒနှင့် ကျန်ခဲ့သည့် နောက်ဆုံးနိုင်ငံအနည်းငယ်ထဲတွင် ပါဝင်သော ကျူးဘားမှာပင်လျင် ဆင်းမ်ကတ် တစ်ကတ် ဒေါ်လာတစ်ရာ (ကျပ်ရှစ်သောင်းကျော်) သာဖြစ်ရာ ဒီမိုကရေစီနိုင်ငံသစ်ဆီ နောက်ပြန် မလှည့်စတမ်း ချီတက်နေသည်ဆိုသော မြန်မာနိုင်ငံတွင် ဟိုအကြောင်းပြ၊ ဒီအကြောင်းပြနှင့် ဆက် သွယ်ရေးကဏ္ဍကို ဇက်ကြိုးကြီးတုန့်ဆွဲပြီး ပက်ကျိနှုန်းထားနှင့် ချီတက်နေသည်မှာ မည်သို့မျှ ဆီလျော်မှုမရှိတော့ ပါ။ ယနေ့ထိ မြန်မာ့တယ်လီဖုန်းသိပ်သည်းဆမှာ ၆ ရာခိုင်နှုန်းသာ ရှိသေးသဖြင့် တယ်လီဖုန်းမသုံးနိုင်သော လူဦးရေမှာ ၉၄ ရာခိုင်နှုန်း ဖြစ်နေပါသည်။ (ကမ္ဘာပေါ်တွင် အနိမ့်ဆုံးနှုန်း/ရှက်ဖွယ်လိလိ နိမ့်ကျမှုနှုန်းဖြစ်၏) လျှပ် စစ်စွမ်းအင်သုံးစွဲနိုင်မှုပင်လျင် ၂၅ ရာခိုင်နှုန်းခန့်ရှိနေရာ ဆက်သွယ်ရေးတိုးတက်အောင် လုပ်ဆောင်ဖို့က ပို၍ပင် ဦးစားပေးသင့်ပါသည်။ လုပ်လည်းလုပ်နေပါ သည်ဟုဆိုသော ဂျီအက်စ်အမ် သန်း ၃၀ ငါးနှစ်စီမံကိန်းကြီးကို အသံစထွက်လာက တည်းက လေ့လာမိပြီး သက်ပြင်းချမိခဲ့ရသည်။ အစိုးရသစ်တက်စ ထိုအချိန်က မီဒီယာတွေ ယခုလောက် မပွင့် လင်းနိုင်သေး၍ သုံးသပ်မိသမျှ ရင်ထဲမှာပဲ ထားခဲ့ရသည်။ ယခုတော့ ပြောရတော့မည်။ အစိုးရဟောင်း၏ နောက်ဆုံးစီမံမှုများထဲမှာ တစ်ခုအပါအ၀င်ဖြစ်ပုံရသည့် မိုဘိုင်းဖုန်းကို ကျပ်ဆယ့်ငါး သိန်းမှ ငါးသိန်းသို့ ပြန်ချပေးခဲ့တော့ ဒါ ဆက်သွယ်ရေးလွယ်ကူမှုအတွက် ပထမအဆင့်ပဲလေဟု သက်မချမိခဲ့ သည်။ ယခင်က လိုင်းအင်အားသောင်းဂဏန်းအတွက် ကျပ်ငါးသိန်းနှင့်စခဲ့ပြီး ပြင်ပပေါက်ဈေးကြောင့် ဆယ့်ငါး သိန်းတက်ယူခဲ့သည်။ နောက်ပိုင်း လိုင်းအင်အား ရန်ကုန်-မန္တလေးပေါင်းလျင်ပင် သုံးလေသိန်းထက်မနည်း စီစဉ် တော့လည်း တပ်ဆင်ခ ငါးသိန်းဆိုတော့ နည်းနည်းမျက်ခုံးပင့်ကြည့်ခဲ့မိသည်။ တစ်ဖန် ထိုစံမံကိန်းကို နာမည်ကြီး ကုမ္ပဏီတစ်ခုတည်းကသာ ပြိုင်ဖက်မရှိ လုပ်ခွင့်ရသည်ဆိုတော့ Cronism ဆိုသည့် စကားလုံးကို ပိုသဘောပေါက် သွားခဲ့သည်။ (ဆက်သွယ်ရေးလုပ်တာ စာအုပ်ရိုက်သလိုပဲ စောင်ရေများလေ တစ်အုပ်ချင်းကုန်ကျစရိတ် လျော့ကျလေ၊ ဖုန်းလိုင်းများလေ တစ်လိုင်းချင်းစရိတ်လျော့ကျလေ၊ ဈေးလျော့ရောင်းနိုင်လေပဲဆိုတာ ကလေးက အစ တွက်ကြည့်နိုင်သည်) တစ်ဖန် အစိုးရသစ်လက်ထက် သန်း ၃၀ စီမံက်ိန်းမှာတော့ ကုမ္ပဏီကြီးတစ်ခုတည်း မဟုတ်တော့ ဘဲ ကုမ္ပဏီအများနှင့် ပူးပေါင်းဆောင်ရွက်မည်ဟု ဆိုသည်။ ပထမဆုံးနှစ်မှာတင် လိုင်းအရေအတွက် လေးသန်း ရောင်းချသွားမည်ဟု ဆိုသည်။ အရေအတွက်က အားရစရာကောင်းသလောက် ဈေးနှုန်းအကြမ်းဖျင်းဆိုတာ ကြား ရပြန်တော့ ဘ၀မကျနိုင်ခဲ့။ ဒီမျှသန်းချီ လိုင်းအရေအ တွက်ရောင်းချဖို့ စီစဉ်ထားတာတောင် ဆင်းမ်ကတ်တစ်ကတ် သုံးသိန်းဝန်းကျင်တဲ့လား၊ များများရောင်းရမှ နောင်စီမံကိန်းနှစ်တွေမှာ ဈေးထပ်လျှော့ပေး မည်ဟု ဆိုသည်။ ထိုစံမံကိန်းအတွက် ပါဝင်သော ကုမ္ပဏီများမှ ကျပ်ဘီလီယံငါးရာ ရင်းနှီးမြုပ်နှံမည်ဟု ဆိုသည်။ တစ်ကတ် ကျပ်သုံးသိန်းနှုန်းနှင့် ပထမနှစ် ကတ်လေးသန်းရောင်းချရလျင်ပင် ကျပ်ဘီလီယံတစ်ထောင့်နှစ်ရာ ပြန် ရမည် ဖြစ်ရာ တစ်ကျပ်ရင်းပြီး ချက်ချင်းနှစ်ကျပ်ကျော်ကျော် ပြန်ရှာမည့်သဘောသာ ဖြစ်နေသည်။ (ပြောခတွေ လုံးဝမပါသေး) ငါးသိန်းနှင့်ရောင်းစဉ်က လိုအပ်ချက်ရှိသူတွေက ကြိတ်ကြိတ်တိုးဝယ်ကြ သည် ဆိုသည့်တိုင် ရန်ကုန်- မန္တလေး နှစ်မြို့ပေါင်း တစ်နှစ်အတွင်း ကတ်ငါးသိန်း ပြည့်ပါရဲ့လား၊ သုံးသိန်း (သို့) နှစ်သိန်းခွဲနှင့် ရောင်းပါ လျှင် ဝယ်လိုအားနှစ်ဆတိုးပါမှ ကတ်တစ်သန်းလောက် ပဲ ရောင်းရနိုင်သည်။ တစ်နှစ်အတွင်း ကတ်လေးသန်း ရောင်းချဖို့ဆိုသည်မှာ ထိုဈေးနှုန်းနှင့်သာ ဆိုလျှင် လျာ ထားချက်ပြည့်မီမည် မထင်၊ သို့ဆိုလျှင် နောင်ဒီထက် ဈေးလျှော့ချဖို့လည်း မလွယ်တော့။ ငါးနှစ်အတွင်း ဖုန်း သန်း ၃ဝ ရောင်းချရပြီး မြန်မာပြည်၏ တယ်လီဖုန်း သိပ်သည်းဆ ၆ ရာခိုင်နှုန်းမှ ၅ဝ ရာခိုင်နှုန်းသို့ ရောက် ရှိရေးဆိုသည်မှာ ဖြစ်နိုင်ဖွယ်မမြင်တော့။ ကုမ္ပဏီတွေနှင့် ဌာန ဘယ်လိုအ ကျိုးခွဲဝေသလဲတော့မသိရ။ နှစ်ကာလရှည်ကြာ ဖုန်းဒုက္ခခံစားခဲ့ရသော ပြည်သူတွေအတွက်မူ ကမ္ဘာ့ဈေးအကြီးဆုံး မိုဘိုင်းဖုန်း သာ ဆက်ဝယ်သုံးကြရဦးမည့်သဘော (ကျပ်သုံးသိန်း= ဒေါ်လာ သုံးရာကျော်) ဒါကိုပင် တန်ဖိုးနည်းဖုန်းဟု သတ်မှတ်ခေါ်ဝေါ်နေခြင်းကလည်း သတ်မှတ်သူတို့၏ အတွေးအခေါ်များ စနစ်ဟောင်းထဲတွင် ပိတ်မိကျန်ရစ်နေ ကြောင်း သက်သေထင်ရှားပြနေသလိုပင်။ အခြားနိုင်ငံတွေမှာ ဖုန်းကုမ္ပဏီထောင်ပြီး ကြီးပွား ကြသူတွေအကြောင်း ဖတ်ဖူးပါသည်။ သို့သော် ဆင်းမ် ကတ်ကို ဈေးကြီးကြီးရောင်းပြီး ကြီးပွားတာမျိုးတော့ မဟုတ်။ ဆင်းမ်ကတ်ကို အလကားနီးပါး လောက်ပေးပစ်ကာ သန်းချီသောသုံးစွဲသူများ၏ ပြောခတွေနှင့်သာ အရင်းအမြတ်ပြန်ရှာကြတာမျိုးသာ၊ ဒီမှာတော့ ဆင်းမ်ကတ်ဆိုလျှင် ဒေါ်လာရာဂဏန်း ပေးကိုပေးရမည်ဟု ပြဌာန်းထားသလို ဖြစ်နေသည်။ ယခုဆိုလျှင် နှစ်ပေါင်းများစွာ သံသယပွားခဲ့ကြ သော ရှမ်း၊ ကချင်၊ ကရင်စသော တိုင်းရင်းသားလက် နက်ကိုင်များနှင့်လည်း ထာဝရငြိမ်းချမ်းရေးတည်ဆောက်ရန် ပဏာမ သဘောတူညီနိုင်ပြီဖြစ်ရာ သူတို့နေရေးထိုင် ရေး စားရေးသောက်ရေး အဝဝ ကူညီပေးရာတွင် ဆက်သွယ်ရေးလည်း ပါရပေလိမ့်မည်။ ဒီတော့ နီးရာတစ်ဖက်နိုင်ငံတွေက ဆင်းမ်ကတ် တစ်ကတ်ကို မုန့်ဖိုးလောက်နှင့် အလွယ်တကူဝယ်သုံးနေ ကြသူတို့ကို ဆင်းမ်ကတ်တစ်ကတ် သုံးသိန်းနှင့်ပဲ သွား ရောင်းပေးကြမှာလား။ ရော့.. ဒါ တို့တိုင်းပြည်ရဲ့ တရား ဝင်မိုဘိုင်းဖုန်း... လောလောဆယ် တစ်လုံးသုံးသိန်း ... များများရောင်းရလို့ နောင်နှစ်လောက်ဆိုရင်တော့ နည်းနည်းထပ်လျှော့ပေးမယ်... ဒီလိုပြောပြီး ငြိမ်းချမ်း ရေးကို အထောက်အကူပြုနိုင်မှာတဲ့လား... နောက်ကျ ကျန်ခဲ့သော ဖွံ့ဖြိုးမှုတိုးတက်ရေးက ခုခေတ်မှာ တစ်ရွာ လျှင် စီဒီအမ်အေလေး အနည်းငယ် ချထားပေးရုံနှင့် မလုံလောက်နိုင်ပြီ။ စာရေးသူ အဓိက တင်ပြလိုသည်မှာ ဆက်သွယ်ရေး ကဏ္ဍတွင် မလိုအပ်ဘဲ ကုန်ကျမှုများနေရသည်များကို ထိထိရောက်ရောက် လျှော့ချရေး၊ ဆက်သွယ်ရေးသိပ် သည်းမှု အလျှင်အမြန်တိုးတက်လျက် တိုင်းပြည်ဂျီဒီပီ မှအစ စီးပွားရေးဘဝတစ်ခုလုံး ကျွဲကူးရေပါ လိုက်ပါ မြင့်တက်နိုင်စေရေး အပြုသဘောသာ ဖြစ်ပါသည်။ ယခု တိုင်အောင်ပင်လျှင် ဥပဒေအရ တို့ကလွဲလျှင် တို့ခွင့်ပြုထားသူက လွဲရင် ဘယ်သူမှ လုပ်ခွင့်မပေး... ကြိုးဖုန်းများ အရစ်ကျစံနစ်နှင့် ရောင်းပေးမည်။ ဈေးနှုန်း ကတော့ ခြောက်သိန်းခွဲ (ဒေါ်လာရှစ်ရာခန့်) ဆိုတာမျိုး နှင့် အဘယ်ပြင်ပရင်းနှီးမြှုပ်နှံမှုမျိုးကို သူများနှင့်ယှဉ် ၍ ကြိုဆိုနိုင်ပါမည်နည်း... (ထိုင်းနိုင်ငံတွင် လွန်ခဲ့သည့် ဆယ်နှစ်လောက်ကတည်းက ဘတ်သုံးရာ= ဆယ်ဒေါ် လာခန့် ပေးလိုက်လျှင် ကြိုးဖုန်းတစ်လုံး ၂၄ နာရီအတွင်း ရရှိသည်) ဒါကြောင့် ငါးထောင်တည်းနှင့် ရောင်းမယ့် UTMS ဆင်းမ်ကတ်စနစ်ဟာ အကြောင်းအမျိုးမျိုးကြောင့် လော လောဆယ် မြန်မာပြည်မှာ မဖြစ်နိုင်သေးဘူးပဲ ထားဦး၊ (ဒါကိုလည်း Third Party ကျွမ်းကျင်သူတို့နှင့် လေ့လာ ဆန်းစစ် ကြည့်မှ အဖြေမှန်ပေါ်မည်ဟု ထင်သည်။ သို့မဟုတ်လျှင် မြစ်ဆုံဇာတ်လမ်းအစပိုင်း ကလို ငါပြောတာမယုံ၊ ငါ့ဘကြီးမေးကြည့်ဆိုတာမျိုး ဖြစ်နေဦးမည်) ယခုလက်ရှိ ကုမ္ပဏီများနှင့် ဆောင်ရွက်နေသော စီမံကိန်း ကိုပင် အသေအချာ ပြန်လည် သုံးသပ်လျှင် ရှဥ့်လည်း လျှောက်သာ ပျားလည်းစွဲသာ ရည်မှန်းချက်ပေါက် မြောက်နိုင်သည့် အခြေအနေရှိပါသည်။ (ကုမ္ပဏီဆယ့်သုံးခု အရင်းမဆုံးစေရပါ) ဆင်းမ်ကတ်တစ်ကတ် နှစ်သိန်းခွဲ/သုံးသိန်းအစား ကျပ်ငါးသောင်းမျှနှင့် တွက်ကြည့်ပါ... ဆင်းမ်ကတ်တစ်ကတ် ကျပ်ငါးသောင်းနှင့် ရောင်း လျှင်ပင် ပထမနှစ် ကတ် ၄ သန်းအတွက် ကျပ်ဘီလီ ယံ ၂ဝဝ တိတိပြန်ရပါလိမ့်မည်။ (ထိုဈေးနှင့် ရောင်းပါ မှ တစ်နှစ်အတွင်း ၄ သန်းကုန်နိုင်ချေရှိသည်) ထိုဖုန်းလေးသန်း တစ်လုံးတစ်လ ကျပ်ငါးထောင် ဖိုး (မိနစ်တစ်ရာ) ပြောသည်ထားဦး၊ ပြောခချည်းသက် သက် တစ်လ ဘီလီယံ ၂ဝ၊ တစ်နှစ် ဘီလီယံ ၂၄ဝ အေးအေး လေးရပါမည်။ စုစုပေါင်း ဘီလီယံ ၄၄ဝ ရနေပြီဖြစ်၍ဘီလီယံငါးရာဆိုသော အရင်းအနှီးမှာ တစ်နှစ် ကျော်ကျော်လေးနှင့်ကျေပြီး နောက်ပိုင်းပြည်သူတွေ မနေနိုင်၍ ပြောသမျှ ဘီလီယံပေါင်း များစွာ မြတ်စွန်းပါလိမ့်မည်။ ငါးထောင်အစား ငါးသောင်းနှင့် ရောင်းလျှင်ပင် ဤမျှမြတ်စွန်းသည်ကို နည်းသည် ဟု ထင်နေပါသေးလျှင် ဒီမိုကရေစီနိုင်ငံသစ်လေးတွင် စီးပွားမရှာသင့်ပါ။ ဌာန အနေဖြင့်လည်း ပြည်သူ့အကျိုးသယ်ပိုးရသော ဝန်ထမ်း ဌာနဖြစ်သည်နှင့်အညီ အများပြည်သူ၏ သက်သာချောင် ချိမှုကို ဒီ့ထက်ပိုပြီး မျက်ချည်ပြတ်မခံသင့်တော့ပါ။ သောင်းချီသိန်းချီ သတ်မှတ်သမျှ ပေးဆောင်နေကြရသည် မှာ အခြားရွေးချယ်ခွင့်မရှိ၍ ဖြစ်ပါသည်။တစ်အိမ်လုံး မှာ ဖုန်းတစ်လုံးပင် မရှိ၍ ရှိသမျှလေး ထုခွဲကာ ငါး သိန်းဖုန်းဝယ်ထားကြရပြီး ပြောခသက်သာစေဖို့ တစ်ဖက်ကို missed call တွေချည်းပေးကာ ပြန်အဆက် စောင့်တာမျိုးက ဒီတိုင်းပြည်မှာပဲ ရှိမည်ထင်သည်။ပြည်သူ့ဘဝတွေထဲ ဆင်းကြည့်ကြပါ။ တစ်ကျပ်တစ် ပြားအတွက် မည်မျှခက်ခဲနေသည်ကို အထင်အရှား တွေ့ နိုင်ပါသည်။ လူ့အခွင့်အရေး တွေဘာတွေ ခဏထားဘိဦး၊ ကမ္ဘာ့ ပြည်သူအများစုကြီးနှင့် ခြားနားလှစွာ ''လွယ်ကူသက် သာစွာ ဆက်သွယ်နိုင်ခြင်း'' ဟူသော အခွင့်အရေးပင် နှစ်ပေါင်းများစွာ ပိတ်ပင်ခံထားရသလို ဖြစ်နေသည့် ၉၄ ရာခိုင်နှုန်းသော ပြည်သူများကို စာနာပါဦးဟု တင်ပြ လိုက်ရပါသည်။ မင်းမြတ်စံ

DO OR DIE

MESSENGER JOURNAL ကြိုးစားထားပါတယ်...

၅၀၀၀ တန်ဆင်းမ်ကဒ် ဖြစ်ပေါ်လာဖို့ ဝိုင်းဝန်းတောင်းဆို ကြပါစို့

ဘယ်လိုလဲ ...ဘယ်လဲ သမ္မတကြီးဦးသ်ိန်းစိန်နှင့် အစိုးရအဖွဲ့ဝင်များ...နိုင်ငံတော်နှင့်နိုင်ငံသားတွေကို စေတနာတရားကြီးမားလှပါပြီးဆို.......လက်တွေ့ပြချိန်ရောက်နေပါပြီး....မလုပ်နိုင်တဲ့သူများ (ဆက်သွယ်ရေးဝန်ကြီး နှင့် အပေါင်းပါများ ) ကျေးဇူးပြုရု " ကဖျက် ရဖျက်" တော့မလုပ်ကြပါနဲ့....လုပ်နိုင်တဲ့သူများကို လမ်းဖွင့်ပေးလိုက်ကြပါ...
" လှည်းဘီးနွံထဲ ကျွံနေသည် နိုင်ငံသားတိုင်းကူရု တွန်းပေးကြပါ " 

ကျွန်တော်တို့ရဲ့ အိမ်နီးချင်း၊ လူဦးရေထူထပ်များလည်းများ ဆင်းရဲပါတယ်ဆိုတဲ့ ဘင်္ဂလားဒေရှ့် မှာတောင် ကျွန်တော်တို့ထက်ကို ဘာကြောင့်လူတိုင်းဖုန်းကိုင်နေနိုင်ရတာလဲ...

http://www.facebook.com/5000SimCard?sk=friendactivity#!/5000SimCard
အောင်ဇော် ရေးသားသည် ။

ငါတို့ရဲ့ အနာဂတ်တွေ ပြန်ပေးလှည့်ပါ

ဆေးတခွက်ကို အားပါးတရ မော့သောက်ပြီးမှ
အဆိပ်မှန်းသိရတဲ့ အဖြစ်ကိုလည်း
ငါတို့တခါပြန်မလိုချင်ဘူး.....
ချောက်တခါ၊ ချော့တလှည့်
အပေါ်ယံ သကာရည်သုတ်လိမ်းထားတဲ့
စကားလုံးတွေနဲ့လည်း
ထပ်ပြီးမလှည့်ဖျားပါနဲ့တော့...
ကယ်တင်ရှင်ကြီး အဖြစ်နဲ့တမျိုး
စေတနာရှင်ကြီး ဖြစ်တလှည့်နဲ့... 

ငါတို့ရဲ့ အိမ်မက်တွေကို
မဖမ်းစားပါနဲ့တော့......
လက်တဆုပ်စာသော လူတစ်စု
" စိန်စီသောည " တွေကို ပျော်မွေ့နိုင်ဖို့
မိသားစုတွေနဲ့ အနာဂတ်တွေကိုရင်း
ကံတရားနဲ့ အလောင်းအစားလုပ်ပြီး
ကမ္ဘာအနှံခြေဆန့်လို့
ရေကြည်ရာ မြက်နုရတဲ့(ကျွန်ဘဝ) အဖြစ်မျိုးတွေကိုလည်း
ငါတို့ မလိုချင်တော့ဘူး.........
အေးချမ်းပြီး စိတ်ရှည်သီးခံနိုင်လွန်းတတ်တဲ့
ငါတို့ရဲ့ ပင်ကိုယ်ဂုဏ်သတ္တိတွေကိုလည်း
လူတစ်စု ဖင်ခုထိုင်ခဲ့တာ
နှစ်ပေါင်းများခဲ့ပါပြီး.......
" ညီလေး အစ်ကိုတို့နဲ့ ခဏလိုက်ခဲ့ပါ " ဆိုတဲ့
ခေါ်ဆောင်ရာနောက်ကို
တလူလူတက်နေတဲ့
ငါတို့ရဲ့ ဦးနှောက်တွေနဲ့ အနာဂတ်တွေ
ပိတ်လှောင်ခံခဲ့ရပေါင်းလည်း မနည်းခဲ့ပြီး...
မြို့စားကြီး(နေဘုန်းလတ် @ ဘုန်းဦးမော်) ပြောသလိုပါဘဲ
" ငါတို့ရဲ့ စိတ်ဓါတ်နဲ့ အနုပညာကို
အကျဉ်းချထားလို့ မရနိုင်ခဲ့ပါဘူး ..."
လက်တဖက်က မုန့် ၊ လက်တဖက်က တုတ်
ထူးမခြားနား ပတ်ပျိုးကိုတီးလို့
၉၀ ပြည့်ရတု အမှတ်တရ တခန်းရပ်ပြဇတ်တွေကိုလည်း
ငါတို့တခါပြန်မကြည့်ချင်တော့ဘူး.....
( ၁၉၉၀ ပြည့်နှစ်ရဲ့ ကံကြမ္မာကို ပြန်တွေးနေမိလေရဲ့)
ဒီတကြိမ်တော့
" ဝင်စို့ ၊ ထွက်စို့ " မအော်ကြေး.....
" ဘွားတေး " မပါကြေး......
ခြေထိုးမခံကြေး...
ယှဉ်ကြရအောင်လား...
ငါတို့ရဲ့ အိမ်မက်တွေ............
ငါတို့ရဲ့ အနာဂတ်တွေ..........
ငါတို့ရဲ့ အဖြူရောင်တိမ်တိုက်တွေ......
ငါတို့ရဲ့လက်တွေနဲ့ ဖန်တီးနိုင်ခွင့်ရှိရမယ်.....

်မြို့စားကြီး နေဘုန်းလတ် နှင့် အိမ်ပြန်ခွင့်ရသူများကို ဂုဏ်ပြုပါ၏

အောင်ဇော် ခံစားသည် (Written by AUNG ZAW )

ကွာလာလမ်ပူရဲ့နေ့ရက်များ

တချိန်က ရေကြည်အိုင် (ငရဲခန်း) ရဲ့ အရှင်သခင်

*Posted by admin on January 15, 2012*  *မောင်ညီ MMCP*
     " တချိန်က ရေကြည်အိုင်(ငရဲခန်း) ရဲ့ အရှင်သခင် "

ဦးခင်ညွန့်ကို လွှတ်လိုက်တာဟာ သူတို့ကို လူတွေက ဘယ်လောက် ခွင့်လွှတ်နိုင်လဲဆိုတာ
စမ်းသပ်ကြည့်တာ ဖြစ်ကောင်းဖြစ်နိုင်တယ်။ ပြီးတော့ ဒီလောက် ဆိုးခဲ့တဲ့လူဟာပြန်လည်ထင်ပေါ် လာနိုင်သေးလားဆိုတာ စမ်းကြည့်တာလဲဖြစ်နိုင်တယ်။ သူလုပ်ခဲ့တာ ကောင်းခဲ့တာ တွေရှိတယ် ဘာဘာညာညာ။ မြန်မာပြည် ဒီလောက် ဆိုးရွားသွားခဲ့တဲ့ အဓိက တရားခံထဲမှာသူပါ တယ်။ တရားခံနံပါတ် ၁ ဟာ ဦးနေ၀င်းဆိုရင် တရားခံ နံပါတ် ၂ ဟာ ဦးခင်ညွန့်ပဲ။ ၈၈ မှာ အတိုက်အခံတွေဘက်က ကြားဖြတ်အစိုးရဖွဲ့ဖို့ နှောင့်နှေးခဲ့ရတဲ့ အခြေအနေမှာ သပိတ်တန်ပြန်ရေး ဖော်ဆောင်သွားတာ သူနဲ့ ထောက်တွေပဲ။ ၈၈ မှာ ခေါင်းဖြတ်ပြ၊ စက်ရုံတွေဖောက်ပြ မင်းမဲ့စရိုက်ဆိုတဲ့ဘက်ကို လုပ်ပြသွားတာ သူပဲ။ အဲ့ဒါကြောင့် ဒီနေ့တချို့ လူငယ်တွေ ၈၈ မှာ တပ်မတော်က ကယ်တင်လိုက်ရတယ်ဆိုတဲ့
ဗိုလ်ချုပ်ခင်ညွန့်ရဲ့ အလှည့်စားခံလေးတွေ ဖြစ်သွားတာပဲ ဒီနောက်မှာ သပိတ်နှိမ်နှင်းရေးတွေကို လူမဆန်အောင် ကြူပင်ခုတ် ကြူငုတ်မကျန်လုပ်ခဲ့တာ သူပါပဲ။ ရေကြည်အိုင်လိုမျိုး နာမည်ဆိုးနဲ့ ကျော်ကြားတဲ့ စစ်ကြောရေးစခန်းတွေက ငရဲခန်းနှိပ်စက်ခန်းတွေဟာ သူ့စနက်တွေချည်းပါပဲ။ ဆိုင်ကယ် မောင်းခိုင်းတာကအစ သောက်တဲ့ရေထဲ မာကျူရီထည့်ပြီး ဦးနှောက်ပျက်အောင် လုပ်တဲ့အထိ ဆိုးရွားခဲ့တာသူပါပဲ။ ရေကြည်အိုင်ကို ၀င်သွားတဲ့သူ မှန်သမျှ အကောင်းအတိုင်း ပြန်ထွက်လာတယ် ဆိုတာ အလွန်ရှားပါတယ်။ လူမသိ သူမသိ လက်လွန်သွားတဲ့သူတွေ ဘယ်လောက်ရှိသလဲဆိုတာ
ရေတွက်လို့ မရပါဘူး။ တကယ်တော့ မြန်မာတပြည်လုံးကို အကြောက်တရားနဲ့ အုပ်ချုပ်ခဲ့တာမျိုးကို စစ်ဗိုလ်ချုပ်တွေ မလုပ်တတ်ခဲ့ပါဘူး။ ညအချိန်မတော် အိမ်တံခါးလာခေါက်ပြီး ညီလေး အစ်ကိုတို့နဲ့ ခဏလိုက်ခဲ့ပါလို့ ဘယ်တော့များ အခေါ်ခံရမလဲဆိုတဲ့ အကြောက်တရားမျိုးကို လူတွေစိတ်ထဲ ရိုက်သွင်းခဲ့တာ ဗိုလ်ချုပ်ခင်ညွန့်ပါ။ နိုင်ငံရေးဆိုတာ လုပ်တာနဲ့ သင်္ချိုင်းကုန်းပဲ ပြေးမြင်အောင် လုပ်ထားတာသူပါ။
     စစ်သားတွေဟာ မျက်ကန်းမျိုးချစ်နဲ့ ငါတကောကော အမှားတွေလုပ် တိုင်းပြည်ကို စစ်တပ်လို အုပ်ချုပ်ဖို့ကြိုးစားပါတယ်။ တကယ်တော့ စစ်ဗိုလ်ချုပ်တွေချည်းပဲဆို စစ်တပ်က ဒီလောက် ဖိနှိပ်ဖို့ မလွယ်ပါဘူး။ ဗိုလ်ချုပ်ခင်ညွန့်လို ပါးပါးနပ်နပ်နဲ့ ကောက်ကျစ်တဲ့ စစ်သားမဟုတ်တဲ့ သူကြောင့်သာ စစ်တပ် သက်ဆိုးရှည်ခဲ့တာပါ။ အာဏာရှင်တွေရဲ့ ကယ်တင်ရှင်ပါပဲ။ ဒါကြောင့် သူဟာ တပ်ထဲမှာ
နေရာပေးခြင်း ခံခဲ့ရတာပါ။ ဦးနေ၀င်း ဆင်းပြီး သူ့သြဇာခံတွေလဲ ထည့်မရတဲ့အဆုံးမှာ ဗိုလ်ခင်ညွန့်ကို
နောက်ဆုံးလက်နက်အဖြစ် သုံးခဲ့တာပဲ။ အဲ့ဒီအချိန်မှာ ဗိုလ်ချုပ် စောမောင်ဆိုတာ ရုပ်သေးပဲ။နောက်က တကယ်လှုပ်ရှားခဲ့တာ အတွင်းရေးမှူး (၁) တွင်း (၂)နဲ့ ရန်ကုန်တိုင်း တိုင်းမှူး ဗိုလ်ချုပ်မျိုးညွန့်တို့ပဲ။ အဲ့ဒီ ၃ ယောက်မှာ စီမံခန့်ခွဲသူက ဗိုလ်ချုပ်ခင်ညွန့်ပဲ။ ဗိုလ်ချုပ် သန်းရွှေကိုလဲ အစက ဟန်ပြအဖြစ်
တင်ခဲ့တာပဲ။ နောက်မှ သူတို့ အပေါ်ရောက်သွားလို့ ခံလိုက်ရတာ။ သေနတ်ရှိမှနေရာမြဲတဲ့စစ်တပ်ထဲမှာ စစ်ကောင်းကောင်း မတိုက်တတ်၊ စစ်တပ်ကျောထောက်နောက်ခံမရှိတဲ့ ဗိုလ် ခင်ညွန့်ဟာ အခြေအနေ မကောင်းဘူးဆိုတာသိပါတယ်။ဒါကြောင့် တိုင်းရင်းသားတော်လှန်ရေးအုပ်စုတွေနဲ့ စစ်ပြေငြိမ်းရေး လုပ်တာကို ဘန်းပြပြီး ဘိန်းမှောင်ခိုအဖွဲ့၊ လက်နက်ကိုင် သူပုန်အဖွဲတချို့ကိုငြိမ်းချမ်းရေးအဖွဲ့တွေအဖြစ် ဖန်တီးပြီး ကျောထောက်နောက်ခံရအောင် ကြိုးစားခဲ့ပါတယ်။ ဒါကြောင့် ကိုးကန့်တို့ဟာ မြန်မာလူမျိုးထဲ တောင် ပါဝင်ခွင့်ရခဲ့ပါတယ်။ ငြိမ်းချမ်းရေးအဖွဲ့တွေ သူတလူ၊ ငါတမင်း လုပ်ချင်တိုင်းလုပ်တာကို ခံခဲ့ရ ပါတယ်။ စစ်တပ် ကျောထောက်နောက်ခံမရှိတဲ့ သူအဖို့ ဒီလို ရည်ရှည်သွားတာဟာ နောက်ဆုံး
သူဒုက္ခရောက်မယ်ဆိုတာကို သဘောပေါက်လာပါတယ်။ စစ်အစိုးရအနေနဲ့ ရည်ရှည်သွားတာဟာ မကောင်းဘူးလို့ အစောဆုံး သဘောပေါက်တာလဲ ပါမယ်ထင်ပါတယ်။ ဒါကြောင့် အခု ပုဆိုးဝတ် စစ်သားကြီးတွေ ကပြနေတဲ့ဇာတ်ကို သူက အရင် ရေးသွားခဲ့တာပါ။ အဲ့ဒီအချိန်မှာသာ သူ့ကို ပေးကခဲ့ ရင် အခု ပုဆိုးဝတ်ကြီးတွေကို ဗီလိန်နေရာထားပြီး သူက မင်းသားနေရာကနေ ကမှာကို မြင်ခဲ့လို့ စင်ပေါ်ကနေ ကန်ချခံခဲ့ရတာပါ။ တကယ်တော့ ဗိုလ်ချုပ်ခင်ညွန့်ဟာ စစ်သား စစ်စစ် မဟုတ်ပါဘူး။ ရှေ့တန်းတောင် ကောင်းကောင်း ရောက်ဖူးရဲ့လား မပြောတတ်ဘူး။ 
Ref:// မှော်ဆရာအဖွဲ့

မြန်မာဘလောဂ့်ဂါ(Blogger) နေဘုန်းလတ် ကို လှိုက်လှဲစွာကြိုဆိုပါ၏...
WARMLY WELCOME TO NAY PHONE LATT (BLOGGER)
အရင်လို ငါတို့ရဲ့ ရည်ရွယ်ချက်တွေ...ငါတို့ရဲ့ ပန်းတိုင်တွေ...ငါတို့ရဲ့ ဝါသနာတွေ...
ငါတို့အရင်ကထက် ပိုပြီးအပြင်းနှင်ကြမယ်...
အောင်ဇော်

လာမနွယ်ခိုင်းပါနဲ့

ဒဿဂိရီ ကိုပြန်ပြီးအသက်မသွင်းကြပါနဲ့ ( မျက်နှာဖုံးအမျိုးမျိုးစွပ်နိုင်တဲ့သူ)

မနေ့က နိူင်ငံရေးအကျဉ်းသားတွေလွတ်မြောက်လာပြီး  ခင်ညွန့်နဲ့ပတ်သက်ပြီး ခင်ညွန့်အကြောင်းကို ထိုးတင်ပြီး ရေးသားထားတဲ့ ရေးသားမှုအနည်းငယ်ကို ကျနော်ဖတ်ရှုလိုက်ရပါတယ်။ သနားကြင်နာလို့ပဲဖြစ်ဖြစ် ဘာအကြောင်းကြောင့်ပဲဖြစ်ဖြစ် ဒီလူနဲ့  မပတ်သက်တော့ဖို့ ဒီနေရာကနေ  ကျနော့်အနေနဲ့တိုက်တွန်းပါရစေ- မေတ္တာရပ်ခံပါရစေ..။

ပါးစပ်ထဲက ဘုရားဘုရားနဲ့ လက်က ကားရား- ကားရားလုပ်မယ့် သူတော်ကောင်းယောင်ဆောင်နေတဲ့ ကြောင်သူတော်ကြွက်သူခိုးဆိုတာ ဒီလူမှဒီလူစစ်စစ်ပါပဲ၊ လွတ်လာတဲ့ဗီဒီယိုဓါတ်ပုံထဲကပုံကိုကြည့်ပါ...

စစ်ဘောင်းဘီကမချွတ်သေးတဲ့ပုံကိုက စောင့်ချိုးမပြေသေးဘူးဆိုတာကို မီးမောင်းထိုးပြထားသလိုမျိုး သက်ရောက်နေပါတယ်။ သတင်းထောက်တွေနဲ့ အင်တာဗျူးမှာ ကျနော်နိူင်ငံရေးကိုမလုပ်တော့ ဘူးလို့ဖြေဆိုခဲ့ပြီး...သမ္မတအကြံပေးအဖြစ်ခန့်ရင် လုပ်မလားလို့မေးတော့တချက်တွေဝေသွားပြီး ကျနော်မစဉ်းစားရသေးဘူးလို့ ကြောင်တောင်တောင်လုပ်ပြီးဖြေကြားခဲ့တာကိုက ရရင်လုပ်မယ့် အထာ မျိုးဖြစ်နေပါတယ်။ အမှန်မှာ မိမိက ဘာသာတရားကိုပဲလုပ်တော့မယ်ဆိုပြီး ရင်ထဲကဆုံးဖြတ်ထားရင်. ..နိူင်ငံရေးနဲ့ပတ်သက်ပြီး ဘာရာထူးပဲပေးပေး  မလုပ်တော့ဘူးလို့ သတင်းထောက်ရဲ့အမေးကို တိုက်ရိုက်ဖြေကြားရမှာပါ....အခုလိုဖြေကြားတဲ့သဘောက နိူင်ငံရေးနဲ့ပက်သက်ပြီး နွယ်လို့ရရင် နွယ်ချင်သေးတဲ့  သဘောကို သက်ရောက်နေပါတယ်။ သူ့အနေနဲ့ ဒေါ်အောင်ဆန်းစုကြည်နဲ့ သမ္မတနဲ့ တွေ့ဆုံဆွေးနွေးတာကောင်းတယ်လို့...ဒီအချိန်မှာ ဒီစကားမပြောရင်ဘာစကားသွားပြောရမှာလဲ.. ..ဒေါ်အောင်ဆန်းစုကြည်ကို မထောက်ခံတောင်မှကောင်းသေးတယ်- ထောက်ခံလိုက်မှ သူ့ဂွင်ထဲ ရောက်သွားရင် ဒုက္ခ....ခင်ညွန့်ရဲ့ ဥပတိကိုကြည့်ပါ အမြဲတမ်းဆင်ကြံ ကြံနေမယ့်ရုပ်ပါ ...ဥပတိရုပ် နဲ့ကော-လူနဲ့ကော- စိတ်နဲ့ပါ လိုက်ဖက်ညီထွေပါတယ်...သူ့ဆရာသန်းရွှေရဲ့ ဥပတိရုပ်က အမြဲတမ်း အကောက်ကြံတဲ့မြေခွေးတို့လို....ဝံပုလွေတွေလိုဥပတိရုပ်ပါ..လိုက်လည်းလိုက်ဖက်တဲ့ ဆရာတပြည့် နှစ်ကောင်ပါပဲ..။ကျနော်ဆိုလိုချင်တာက....အာဏာရှင်တွေဟာ  အာဏာလက်ဝယ်ရှိစဉ်တစ်မျိုး- အာဏာလက်မဲ့ဘဝနဲ့တစ်မျိုး စကားကိုအမျိုးမျိုးအထည်လဲပြီးပြောတတ်ကြပါတယ်။မာယာထောင်ချောက် ဆိုတာသိကြမှာပေါ့...ကလိမ်ကကျစ်လမ်းစဉ် ငြိမ်ပိအစွမ်းကိုလည်းတွေ့ဘူး-မြင်ဘူး- ကြားဘူးကြပါ

လိမ့်မည်။  ဒီလူကြောင့် ပြည်မြန်မာကြီး ဂျွန်းထိုးမှောက်ခုံဖြစ်ခဲ့ရသလို....ဒီလူကြောင့် ပြည်သူအများ ဒုက္ခပေါင်းမျိုးစုံခံစားခဲ့ရပြီး ဒီလူကြောင့် နိူင်ငံရေးသမားတွေ ဘယ်လိုအဖမ်းခံရပြီး-ဘယ်လိုညှင်းပမ်း နှိပ့်စက်သတ်ဖြတ်မှုတွေခံခဲ့ရသလဲဆိုတာ မပြောလည်းသိကြမည်ထင်ပါသည်။

    ၈၈ ပြည်သူ့ဒီမိုကရေစီအရေးတော်ပုံအတွင်းမှာ လက်စွမ်းပြခဲ့တဲ့ အဓိကဇတ်ကောင်ထဲမှာ သူလည်း အပါအဝင်ပေါ့..။  ၈၈ နောက်ပိုင်း တန်ခိုးသြဇာအာဏာကြီးထွားလာပြီး ဆရာစစ်စစ်နေဝင်းကိုဖမ်းစီးပြီး ဇတ်တူသားစားတဲ့ ဇတ်လိုက်မင်းသားလည်းသူပါပဲ၊အနာဂတ်မြန်မာနိူင်ငံရေးမှာတန်ခိုးသြဇာကြီးမားလာဖို့ ထောက်လှမ်းရေးကွန်ယက်ကြီးကိုချဲ့ထွင်ပြီး  စစ်တပ်ကို ခါးပိုက်ဆောင်ဖို့ကြိုးစားရင်းက....မြွေမြွေချင်း ခြေမြင်တဲ့ သန်းရွှေရဲ့ လက်ဦးမှုကိုခံလိုက်ရပြီး ဆိုင်းငံထောင်၄၄နှစ် နဲ့ ဂိန်သွားတယ်ဆိုတာလည်းအများ

အသိပါ..။ သူ့ဘဝကိုတရားလမ်းကြောင်းနဲ့ သွားတာသူ့အတွက်ပိုသင့်တော်ပါတယ်.... နိူင်ငံရေးလမ်း ကြောင်းထဲကို ပြန်ဝင်လာဖို့လမ်းကြောင်းတွေ မတင်ကြပါနဲ့- နိူင်ငံရေးလမ်းကြောင်းထဲပြန်ဝင်လာဖို့   အရေးအသားတွေမရေးသားကြဖို့ ဒီနေရာကနေမေတ္တာရပ်ခံပါရစေ..ဒါကြောင့်.... အနာဂတ်မြန်မာ နိူင်ငံရေးလောကမှာ  လာမနွယ်ဖို့  လာမပက်သက်တော့ဖို့  သက်ဆိုင်သူကိုရော....သက်မဆိုင်သူ တွေကိုရော အသိပေးကြေငြာမောင်းခတ်လိုက်ပါရစေ..။

( အားလုံးကို လေးစားလျှက်....ကိုဗလိုင် )

 Ref://  Ko Baloi on Saturday, January 14, 2012 on facebook မှဖော်ပြပါသည်...

နှုတ်ဆက်ပါသည်၊ ကြိုဆိုပါဧ။်
" ဒေါက်..ဒေါက်....ဒေါက်.."
အိပ်ချင်မူးတူးနဲ့ တံခါးတချပ်ဆွဲဖွင့်ပေးလိုက်မိတရ်
မဖိတ်ခေါ်ဘဲ ရောက်နှင့်လာပြီးပဲ
ညကအတွေးတွေ တဒါဇင်ကျော်နဲ့ အတူအိပ်ရာဝင်ဖြစ်ခဲ့လို့ပါ...
ကိုယ်နေတဲ့အခန်းလေးထဲ တချက်ပြန်ဝေ့ကြည့်လိုက်မိတရ်
နှုတ်မဆက်ဘဲ ထွက်ခွါသွားပြီးပေါ့
ညတုန်းကဘဲ အတူအိပ်ရာဝင်ခဲ့ပါသေးတယ်...
ငါကိုဘာတွေနဲ့ အတူထားရစ်ခဲ့ပြီးလဲ
ငါချစ်ခင်ရတဲ့ သူတွေကိုလွမ်းဆွတ်ရတဲ့ ဝေဒနာတွေလား....
အထီးကျန်မှု ရသတွေလား...
မွန်းကျပ်သော ခံစားမှုတွေလား....
သေချာတာတော့ တချို့အချိန်တွေကို
ရုန်းကန်လှုပ်ရှားရင်း ဖြတ်သန်းခဲ့ရတာတွေပါဘဲ.....
နှုတ်ဆက်ကြ ၊ ကြိုဆိုကြ
ဘယ်သူတွေက ပြဌာန်းခဲ့တဲ့ ဂါရဝတရားလဲ
ငါကိုယ်တိုင်လဲ ပျော်ဝင်ခံစားနေမိပါရဲ့......
ကောင်းခြင်းတွေကိုဘဲ မျော်လင့်မိတာ
လူသားတိုင်းရဲ့ မွေးရာပါအခွင့်အရေးပါ...
အော် လူတိုင်းအပြောင်းအလဲတွေကိုဘဲ တမ်းတနေမိပါရဲ့
(ကျွန်တော်အပါအဝင်)
" We can change..." လို့
ကြားကောင်းအောင်အော်ဟစ်နေကြလေရဲ့
ဘယ်အတိုင်းအတာထိ တပ်မက်နေမိတာလဲ
ဘယ်လောက်ထိလုပ်နိုင်စွမ်း ရှိကြမလဲ....
ခေါက်ရိုးကျိုးပြီး မှိုတက်နေတဲ့ စကားလုံးတွေနဲ့
ငါ့ကို ချွေးမသိပ်ပါနဲ့...
ပန်းတစ်ပွင့်နဲ့ဖုံးအုပ်ထားတဲ့ ဓါးတစ်လက်နှင့်
ငါ့နောက်ကျောကို မချိန်ရွယ်ထားပါနဲ့....
လုပ်ချင်ရာလုပ်ပြီးမှ အာဃတတွေကို ခဝါချလိုက်ပါတဲ့
ဘဝဆိုတာ ရိုက်ကွင်းတခုမဟုတ်ဘူး
မျက်ရည်ပြဇတ်တွေနဲ့ ငါ့နှလုံးသားကို
ဖမ်းစားဖို့ မကြိုးစားပါနဲ့
တစ်ခုတည်းရှိတဲ့ ငါ့ရင်ဘတ်နဲ့ ရင်းနှီးခဲ့၇တာတွေပါ...
"အပြုသဘောဆောင်ပါ " တဲ့
မွေးကတည်းက မျုိုသိပ်မူနဲ့ ပေးဆပ်ဖို့ဘဲလား....
ခွင့်လွတ်ခြင်းနဲ့ နားလည်မှု့ကတိုက်ရိုက်အချိုးကျတယ်ဆိုရင်
ပေးဆပ်ခြင်းနဲ့ အသိအမှတ်ပြုမှု တခုကိုလည်း
ပြောင်းပြန်အချိုးကျစေချင်ပါတယ်....
စာကြွင်း။ ။မစားရကြာပြီဖြစ်တဲ့ အမေ့လက်ရာကိုလည်း လွမ်းတရ်....
ခွဲခွါနေရတဲ့ လူတွေက်ိုလည်း လွမ်းတရ်....
မတွေ့တာကြာတဲ့ လူတွေကိုလည်း သတ်ိရတရ်...
ခင်စရာကောင်းတဲ့ သူငယ်ချင်းတွေနဲ့
ပျော်စရာအချိန်တွေကိုလည်း ပြန်တမ်းတမိတရ်.....
* တွေ့ချင်တဲ့သူရဲ့ အနားကိုလည်း အရောက်သွားချင်တရ်..!
( ရင်းတွင်းဖြစ်မဟုတ်ပါ ၊ ရင်ဘတ်ထဲကလာတာပါ...ကိုယ်တိုင်ရေးပြီး
မနည်းပြန်ဖတ်ယူရတယ်....)
ရေးသားသူ - အောင်ဇော်@AUNGZAW

သူမဆီသို့

In my heart, In my blood, In my dream ....

you still the only one...!

It's my destiny , my philosophy......

" ဒီဇင်ဘာအချစ်..."

နှင်းတွေတဖွဲဖွဲ ခုန်ပေါက်မြှုတူးတဲ့ ရာသီတခု
အိမ်မက်ထဲမှာပါ...( တကယ်တော့ ကျွန်တော်ရှိတဲ့အရပ်မှာ နှင်းတွေမကျပါ)
သူမနဲ့စတွေ့ခဲ့တယ် မကြာသေးတဲ့ အချိန်တွေကပေါ့.....
သူမက ပြောတယ်
" အချိန်ဆိုတာ လူတွေရဲ့ ကန့်သတ်မှုတခုတဲ့ "
ကျွန်တော်တို့နှစ်ဦးရဲ့ ရင်ခုန်သံစည်ချက်တွေက
ထပ်တူကျလို့.......
လူချင်းကတော့ သူမပြေနေကျလို
ပဲခူးနဲ့သန်လျင် ဝေးနေသလိုပါဘဲ.........
သို့တစေလည်း...
ကျွန်တော်တို့နှစ်ဦးသားရဲ့ ရင်ဘတ်တွေက
မြုမှုန်စာလောက်တောင် မဝေးကြဘူးလေ ချစ်သူ....
တကယ်တော့
မင်းနဲ့ ငါဟာ အဖြူရောင်တိမ်တိုက်တွေရဲ့ အောက်မှာ
အတူတူရှင်သန်ခွင့်ရနေကြတာပါ.....
အဖြူရောင် ရိုးသားမှုတွေ...
အဖြူရောင် သံယောဇဉ်တွေ...
အဖြူရောင် အနာဂတ်တွေနဲ့.....
အဖြူရောင် ..........
( မှတ်ချက်။ ။ ခေါင်းစဉ်လေးကိုတော့ သူမကဘဲ မွေးဖွါးပေးခဲ့တာပါ )
Written by AUNGZAW

" အဖြူရောင် စာရေးဆရာမလေးသို့....."
အဖြူရောင် ဒီဇင်ဘာမြုနှင်းတွေ
ကျဆင်းလို့ ချစ်သူ
မင်းရှိတဲ့ အရပ်မှာပေါ့....
အဖြူရောင်ဆောင်းနှင်းတွေဆိုတာ
ငါရှိတဲ့ အရပ်မှာတော့
ငါနှင့်မဆိုင်သလို
သို့တစေလည်း.......
ငါတို့နှစ်ယောက်ရဲ့ အိမ်မက်တွေထဲမှာ
ဒီဇင်ဘာ မြူနှင်းတွေဟာ
ငါတို့နှလုံးသွေးတွေ လည်ပတ်စီးဆင်းနေသရွေ့
အဖြူရောင် သံယောဇဉ်တွေ အဖြစ်နဲ့
ဝေနေမှာပါ.......
ငါတို့နှစ်ယောက်ရဲ့ ရှင်သန်မူတွေ
မိုင်ထောင်ချီ ဝေးနေပေမရ့်
ငါတို့နှစ်ယောက်ရဲ့ ရပ်တည်မူတွေ
အရှေ့ နဲ့ အနောက် ဆန့်ကျင်နေပေမရ့်
ငါတို့ရဲ့ ရင်ဘတ်တွေ
ထပ်တူကျနေမှာပါ ချစ်သူ......
အချိန်တိုင်းလည်း သတိမရနေစေချင်ဘူး
အမြဲတမ်းလည်း မလွမ်းနေစေချင်ဘူး
မင်း နာကျင်ပင်ပန်း နေရမှာစိုးလို့ပါ ချစ်သူ........
( Written by AUNGZAW )

စာရေးဆရာမလေးရဲ့ မွေးနေ့လက်ဆောင်

Happy Birthday Ko Lay ! on facebook ( December 26)

ဆရာမလေးရဲ့ လက်ဆောင်

1. " For u ! I think look like u ! " — with လမင်းငယ် 
2. ( December 21 on facebook)

WHITECLOUD

ချစ်သောမြန်မာပြည်ကျောင်းရဲ့ဒုတိယအကြိမ်ဝါဆိုသင်္ဃန်းကပ်လှုပွဲ

DEAR BURMA Program School ရဲ့ဒုတိယအကြိမ်မြောက်(၂၀၀၈) ၀ါဆိုသင်္ဃန်းကပ်လှုပူဇော်ပွဲအခမ်းအနား ကို ဗန်ကောက်မြို့၊ Rechathewi ရှိအဆိုပါကျောင်းဝင်းအတွင်း ၂၀.၇.၀၈ - တနင်္ဂနွေနေ့ကကျင်းပခဲ့ပါတယ်။ ဦးစွာ ၀တ်ရွတ်မောင်မယ်များရဲ့ ဓမတေးများနှင့်အခမ်းအနားကိုစတင်ပြီး မြန်မာဘုန်းတော်ကြီး ၅-ပါး ၊ ယိုးဒယားဘုန်းတော်ကြီး ၅-ပါးတို့ကိုနေ့ဆွမ်းဆက်ကပ်လှုဒါန်းကြပါတယ်။ ယင်းနောက်ယိုးဒယားဘုန်းတော်ကြီး မှတရားတော်များကိုဟောကြားတော်မူပြီး ရေစက်သွန်းချအမျှပေးဝေခဲ့ကြပါတယ်။ အခမ်းအနားကိုတက်ရောက် လာကြတဲ့ဆရာ၊ဆရာမများ၊ ကျောင်းသား၊ကျောင်းသူများနှင့်ဧည့်သည်တော်များကို မြန်မာမုန့်ဟင်းခါး၊ မုန့်ပဲ သရေစာများနှင့်ဧည့်ခံကျွေးမွေးပါတယ်။ဆက်လက်ပြီးနေ့လည်ပိုင်းမှာတော့သံဃာဦးသျှောင်အဖွဲ့၊စည်းရုံးရေးမူး (ထိုင်းနိုင်ငံ) ၊ ဆရာတော်ဦးဇောတိ(ဗုဒ္ဒဘာသာ၊ချုလာလောင်ကွန်းတက္ကသိုလ်မှတရားတော်များကိုဟောကြား ခဲ့ပါတယ်။ပြီးနောက်အခမ်းအနားကိုတက်ရောက်လာကြတဲ့ကျောင်းအုပ်ဆရာကြီး၊ဆရာ၊ဆရာမများ၊ကျောင်းသား၊ ကျောင်းသူများ၊၀တ်ရွတ်မောင်မယ်များနှင့်ဧည့်သည်တော်များစုပေါင်းပြီး အမှတ်တရမှတ်တမ်းတင် ဓါတ်ပုံရိုက် ကြပြီး အခမ်းအနားကိုရုတ်သိမ်းလိုက်ပါတယ်။ အခမ်းအနားဖြစ်မြောက်ရေးအတွက် ဦးစီးဆောင်ရွက်ခဲ့ကြသော ကျောင်းအုပ်ဆရာကြီးနှင့်ဆရာများ၊ကိုယ်တိုင်ကိုယ်ကျအဘက်ဘက်မှဦးဆောင်ပါဝင်ခဲ့ကြသောDEAR BURMA Program School ရဲ့ အလင်းရောင်-စာကြည့်တိုက်ဝိုင်းတော်သူ၊၀ိုင်းတော်သားများနှင့် ကျောင်းသား၊ ကျောင်းသူများအား လည်းကောင်းမှတ်တမ်းတင်အပ်ပါသည်။ ။

အာဇာနည်သူရဲကောင်းများကိုလေးစားစွာအလေးအမြတ်ပြူပါသည်။

အဖြူရောင်တိမ်တိုက်များကိုမွေးဖွားခြင်း

အဖြူရောင်တဲ့
တကယ်ကိုဘာ COLOUR မှမပါတဲ့အဖြူရောင်ပါ.......
ဘာ COLOUR မှမမြင်ရလို့လား...........

ကျွန်တော်ကိုယ်၌ကလည်းဘာ COLOUR ကိုမှ

မခြယ်မှူန်းတတ်သေးလို့လား..........
CRAZY နှင့် GRAY ဆိုတာ
ဧဒင် လက်ထက်တုန်းကလိုပါဘဲလား.........
PINK COLOUR ဆိုတာကရော
ကယ်လီယိုပတ်ထရာ လက်ထက်ရောက်တော့
ရိပ်တိတ်တ်ိတ်ရှိခဲ့ပြီးလား..........
ရိုမီယို နှင့် ဂူလီယက်(စ်) တို့ကြပြန်တော့
အဖြူရောင်ဆိုတာ အနက်ရောင်တွေအဖြစ်
သေချာသွားခဲ့ကြလေသလား.........
ကျွန်တော်နှင့်သူမ တို့လက်ထက်မှာတော့
အဖြူရောင်တွေဟာ........
တိမ်တိုက်တွေအဖြစ်နှင့် ဝရုန်းသုန်းကား
သည်းထန်စွာ ပြိုဆင်းခဲ့ကြလေတော့တရ်.........
အောင်ဇော်ဦး ( ၁၉.၇.၂၀၀၈ )

သူငယ်ချင်းများ

နာဂစ်လေဘေးအတွက် လုပ်အားပေးစဉ်အချိန်များ